سعودی عرب ولوں امداد ملن مگروں روپیہ تگڑا ہوگیا

سعودی عرب ولوں امداد ملن مگروں روپیہ تگڑا ہوگیا

کراچی(پاکستان پوائنٹ نیوز19۔نومبر۔2018ء) سعودی عرب ولوں امداد ملن مگروں روپیہ تگڑا ہوگیا۔ انٹر بنک مارکیٹ وچ پاکستانی رُپئے دے مقابلے وچ امریکی ڈالر دی قدر وچ 2پیسے کمی جدکہ اوپن کرنسی مارکیٹ وچ امریکی ڈالر دی قدر استحکام رہی۔ ایسوسی ایشن آف پاکستان ولوں جاری آنکڑیاں(اعدادوشمار) دے مطابق پیر نوں انٹربنک مارکیٹ وچ پاکستانی رُپئے دے مقابلے وچ امریکی ڈالر دی قدر وچ 2پیسے دا وادھا ریکارڈ کیتاگیا۔

جیہدے نتیجے وچ امریکی ڈالر دی قیمت خرید133.97رُپئے توں گھٹ ہوکے 133.95رُپئے تے قیمت فروخت 134.07رُپئے توں گھٹ ہوکے 134.05رُپئے ہو گئی۔اوپن کرنسی مارکیٹ وچ ڈالر دی قدر وچ استحکام رہیا۔ جیہدے نتیجے وچ امریکی ڈالر دی قیمت خرید۔133.90رُپئے تے قیمت فروخت134.20رُپئے اُتے مستحکم رہی۔یاد رہوے کہ اج پاکستان نوں سعودی عرب ولوں امدادی پیکج دی پہلی قسط مل گئی اے۔ پاکستان نوں پہلی قسط دی مد وچ اک ارب ڈالر ملے۔ ترجمان سٹیٹ بنک نے سعودی عرب ولوں امدادی رقم منتقل ہون دی تصدیق کر دتی اے۔ ترجمان سٹیٹ بنک دا آکھنا اے کہ سعودی عرب ولوں 2ارب ڈالر وی آؤندے دو دناں نوں مل جان گے۔ وسیلیاں دا آکھنا اے کہ سعودی امداد دیاں اگلیاں دو قسطاں آؤندے دو دناں تیکر مل جان گیاں۔