قوم نوں خشخبری مل گئی:سعودی عرب ولوں 1ارب ڈالر پاکستان آگئے

لاہور(پاکستان پوائنٹ نیوز19۔نومبر۔2018ء) سعودی عرب ولوں اک ارب ڈالر دی امداد پاکستان نوں مل گئی اے، ترجمان سٹیٹ بنک دا آکھنا اے کہ سعودی عرب ولوں ہور دو ارب ڈالر وی آؤندے دو دناں نوں مل جان گے۔ میڈیا رپورٹس دے مطابق وزیر اعظم عمران خان دی پاکستان نوں مالی بحران توں کڈھن لئی نس بھج نے کم وکھانے شروع کر دتے۔ پاکستان نوں سعودی عرب ولوں امدادی پیکج دی پہلی قسط مل گئی اے۔ پاکستان نوں پہلی قسط دی مد وچ اک ارب ڈالر ملے۔ ترجمان سٹیٹ بنک نے سعودی عرب ولوں امدادی رقم منتقل ہون دی تصدیق کر دتی اے۔ ترجمان سٹیٹ بنک دا آکھنا اے کہ سعودی عرب ولوں 2ارب ڈالر وی آؤندے دو دناں نوں مل جان گے۔ وسیلیاں دا آکھنا اے کہ سعودی امداد دیاں اگلیاں دو قسطاں آؤندے دو دناں تیکر مل جان گیاں۔