تحریک انصاف دے رہنما قاتلانہ حملے وچ ہلاک

جہلم(پاکستان پوائنٹ نیوز19۔نومبر۔2018ء) صوبہ پنجاب توں تعلق رکھن والے علاقے جہلم وچ نامعلوم بندیاں دی فائرنگ نال پاکستان تحریک انصاف (پی ٹی آئی) دے رکن افضل جھمٹ ہلاک ہوگئے۔ میڈیا رپورٹ دے مطابق پولیس دے حوالے نال دسیا گیا اے کہ ملزماں نے جہلم وچ لاری اڈے اُتے افضل جھمٹ اُتے فائرنگ کیتی۔ فائرنگ دے نتیجے وچ پی ٹی آئی رکن ہلاک ہو گئے۔ پولیس دا آکھنا اے کہ افضل جھمٹ لاری اڈے اُتے اک ہوٹل وچ چاہ پی رہے سن۔ پولیس دے مطابق ملزم موٹر سائیکل اُتے سوار سن ، جو واقعے مگروں فرار ہوگئے۔ پولیس دا آکھنا اے کہ واقعہ ذاتی دشمنی لگدا اے۔