لاہور(پاکستان پوائنٹ نیوز19۔نومبر۔2018ء) ای چالان سسٹم گھراں وچ لڑائی دی وجہ بنن لگے۔ قومی اخبار دی اک رپورٹ وچ دسیا گیا اے کہ سیف سٹی اتھارٹی دا ای چالان منصوبہ ناکام ہوندا وکھالی دے رہیا اے۔ شہریاں نوں غلط چالان ملن لگے جو گھراں وچ لڑائی دی وجہ بنن لگے۔ چالان کسے ہور دا تے گھلیا کسے ہور دے گھر جا رہیا اے۔ دسیا گیا اے کہ چوبرجی دے رہن والے مدثر حسن نوں غلط چالان ملیا کہ تہاڈا ٹریفک لائٹ دی خلاف ورزی اُتے 200رُپئے دا ای چالان کیتا گیا اے۔
ای چالان وچ موٹر سائیکل 125تے شہری پچھے سوانی بیٹھی نظر آرہی اے۔ چالان گھر آیا تے میاں بیوی وچکار لڑائی شروع ہو گئی ، جیہدے اُتے خاوند نے بیوی نوں یقین دوایا کہ میرے کول 70سی سی موٹر سائیکل اے۔ میں تے کدی مغل پورہ گیا تے نہ ای کدے کسے سوانی نوں موٹر سائیکل پچھے بٹھایا۔ مدثر نے اعلا حکام توں اپیل کیتی اے کہ سیف سٹی تے ٹریفک پولیس دا نظام ٹھیک کرو تے غلط چالان کرن والے خلاف کاررائی وی کرو نہیں تے گھراں وچ لڑائی دی وجہ سیف سٹی والے ہون گے۔
