اسلام آباد(پاکستان پوائنٹ نیوز17۔نومبر۔2018ء) چیف جسٹس نے قوم نوں خشخبری سُنا دتی۔ جگر ٹرانسپلانٹ لئی ہن بھارت جان دی لوڑ نہیں ۔ پاکستان وچ ای ہن ایہ علاج ہوئے گا، پہلا آپریشن چالو مہینے دے آخیر اُتے کیتا جائے گا۔ میڈیا رپورٹس مطابق سپریم کورٹ لاہور رجسٹری وچ جگر ٹرانسپلانٹ نہ ہون بارے کیس دی سنوائی دوران چیف جسٹس آف پاکستان میاں ثاقب نثار نے قوم نوں خشخبری سناندے ہوئے آکھیا کہ جگر دی پیوند کاری دا پہلا آپریشن چالو مہینے دے آخیر وچ پاکستان کڈنی اینڈ لیور انسٹی ٹیوٹ وچ ہوئے گا۔
امریکا توں دو ماہر ڈاکٹر بالاں دی جگر دی پیوندکاری لئی پاکستان وچ اپنیاں خدمتاں انجام دین گے۔ چیف جسٹس نے آکھیا کہ پاکستان وچ ایسے مہینے دے آخیر اُتے پہلی وار بالاں دے جگر دی پیوندکاری دا آپریشن ہون جا رہیا اے۔ جذبے نال کرم والے دو ڈاکٹر پاکستان آرہے نیں۔ دوویں ڈاکٹر پاکستان کڈنی اینڈ لیور انسٹی ٹیوٹ وچ بالاں دے جگردی پیوندکاری کرن گے۔ چیف جسٹس نے ریمارکس دتے کہ پیوندکاری لئی انڈیا جانا پیندا اے جیہدا ویزہ نہیں ملدا۔
