اسلام آباد(پاکستان پوائنٹ نیوز17۔نومبر۔2018ء) چیئرمین تے ڈپٹی چیئرمین سینیٹ وچکار اختلاف ودھ گیا۔ میڈیا رپورٹس مطابق چیئرمین و ڈپٹی چیئرمین سینیٹ وچکار اختلاف ودھ گیااے۔ غیر ملکی پارلیمنٹرینز نوں دورہ پاکستان دی دعوت دین اُتے صادق سنجرانی نے سلیم مانڈی والا نوں خط لکھ دتا۔ چیئرمین سینیٹ نے کسے نوں وی پاکستانی دورے دی دعوت دین تو ں پہلاں چیئرمین سینیٹ نال رابطہ کرن دی ہدایت کر دتی۔
صادق سنجرانی دا آکھنا اے کہ غیر ملکی وفود نوں پاکستان آن دی دعوت صرف چیئرمین سینیٹ دے سکدا اے۔ وفود دی آمد اُتے وڈی رقم خرچ ہوئے گی۔ آئندہ دعوت دین توں پہلاں چیئرمین سینیٹ کولوں اجازت لینی پئے گی۔ سلیم مانڈی والا وی چُپ نہ رہے تے خط وچ دُکھ دا اظہار کردے ہوئے جوابی خط وچ قانون پُچھ لیا۔ سلیم مانڈی والا نے آکھیا کہ اوہ قانون دسو جو غیر ملکی وفود نوں پاکستان آن دی دعوت دین توں روکدا اے۔
ڈپٹی سپیکر نے واضح کیتا کہ اوہ اپنے فیصلے اُتے قائم نیں۔ ڈپٹی چیئرمین نے غیر ملکی وفود دے دورے اُتے آن والے سارے خرچے آپ برداشت کرن دا اعلان کیتا۔ صادق سنجرانی دا آکھنا اے کہ خط دے جواب توں مایوسی ہوئی اے۔ وسیلیاں مطابق سینیٹ ولوں گوادر وچ رکھی گئی تقریب وچ وی لوڑ توں ودھ خرچہ کیتا گیا جیہدیاں تفصیلاں ساہمنے آن گیاں۔
