اسلام آباد(پاکستان پوائنٹ نیوز17۔نومبر۔2018ء) سی ڈی اے افسر ایاز خان نوں پولیس نے پھڑ لیا۔تفصیل مطابق سی ڈی اے دے ڈپٹی ڈائریکٹر ایاز خان نوں پولیس نے ڈیرہ اسماعیل توں پھڑ لیا اے۔ پولیس حکام دا آکھنا اے کہ اغوا دا ڈرامہ ، غلط بیانی تے جھوٹھ بولن اُتے ایاز خان نوں قانونی کارروائی دا ساہمنا کرنا پئے گا۔ یاد رہوے کہ پچھلے دیہاڑے لاپتا سی ڈی اے اسسٹنٹ ڈائریکٹر دے گواچن دا ڈراپ سین ہویا سی۔
ذکر کیتا گیا افسر ڈیرہ اسماعیل خان آیا سی۔ موبائل گواچن دی وجہ توں کسے نال رابطہ نہ کر سکیا۔ وفاقی ادارے کپیٹل ڈویلپمنٹ اتھارٹی (سی ڈی اے) دے لاپتا اسسٹنٹ ڈائریکٹر ایاز خان ایس ویلے ڈیرہ اسماعیل خان وچ موجود نیں تے اوہناں نے پچھلے دیہاڑے اپنی خیریت بارے اک ویڈیو پیغام جاری کیتا سی۔اپنے ویڈیو پیغام وچ ایاز خان نے آکھیا کہ میرے حوالے نال کسے نوں وی پریشان ہون یاں کرن دی لوڑ نہیں۔ حکومت تے اداریاں دی بدنامی نہ کیتی جائے۔
