شہید ایس پی طاہر داوڑ دے وارثاں لئی ڈیڈھ کروڑ رُپئے امداد دا اعلان

حکومت نے طاہر داوڑ دے وارثاں نوں پلاٹ ، بیوی نوں مہینہ وار تنخاہ ، بالاں نوں سکالر شپ تے اک پُتر نوں اے ایس آئی بھرتی کرن دا اعلان کیتا اے

شہید ایس پی طاہر داوڑ دے وارثاں لئی ڈیڈھ کروڑ رُپئے امداد دا اعلان
حکومت نے طاہر داوڑ دے وارثاں نوں پلاٹ ، بیوی نوں مہینہ وار تنخاہ ، بالاں نوں سکالر شپ تے اک پُتر نوں اے ایس آئی بھرتی کرن دا اعلان کیتا اے

پشاور(پاکستان پوائنٹ نیوز16۔نومبر۔2018ء) خیبرپختونخوا حکومت نے شہید ایس پی طاہر داوڑ دے وارثاں لئی ڈیڈھ کروڑ رُپئے دے مالی پیکج دا اعلان کر دتا اے، طاہر داوڑ دے وارثاں نوں پلاٹ وی دتا جائے گا، حکومت نے طاہر داوڑ دی بیوی نوں مہینہ وار تنخاہ ، بالاں نوں سکالر شپ تے اک پُتر نوں اے ایس آئی بھرتی کرن دا اعلان کیتا اے۔ وزیر اطلاعات و نشریات خیبرپختونخوا شوکت یوسفزئی نے آکھیا کہ شہید ایس پی طاہر خان داوڑ دے وارثاں نوں شہید پیکج وچ مالی امداد تے پلاٹ دین دا اعلان کیتا اے۔

مالی پیکج دے تحت حکومت نے شہید ایس پی طاہر داوڑ دے وارثاں لئی ڈیڈھ کروڑ رُپئے دا اعلان کیتا اے۔ شوکت یوسفزئی نے آکھیا کہ طاہر داوڑ دی 60ورھیاں دی ریٹائرمنٹ دی مد ت تیکر اوہناں دی گھر والی نوں تنخاہ دتی جائے گی۔ ایسے طرحاں طاہر خان دے اک پُتر نوں اے ایس آئی بھرتی کیتا جائے گا۔ ایس توں وکھ حکومت نے شہید ایس پی دے بالاں نوں تعلیمی سکالر شپ وی دین دا اعلان کیتا اے۔یاد رہوے کہ پشاور دے ایس پی طاہر داوڑ نوں دہشتگرداں نے اسلام آباد توں اغوا کر کے گوانڈھی ملک افغانستان وچ قتل کر دتا سی۔ جیہدے مگروں اوہناں دی لاش کل پاکستان اپڑی۔