لاہور(پاکستان پوائنٹ نیوز16۔نومبر۔2018ء) پاکستان ریلوے نے کرایاں وچ کمی دا اعلان کر دتا،کوئٹہ تے بولان ایکسپریس دے کرایاں وچ 10فیصد کمی کردتی گئی۔ تفصیل مطابق وفاقی وزیر ریلوے شیخ رشید احمد دی ہدایت اُتے لوکائی دی سہولت نوں مُکھ رکھدے ہوئے انتظامیہ نے کوئٹہ تے لاہوروچکار چلن والی اکبر ایکسپریس، (23اپ، 24ڈاؤن) کوئٹہ تے کراچی سٹی وچکار چلن والی بولان میل(3اپ، 4ڈاؤن)دے اکانومی کلاس دے کرایاں وچ ایڈوانس بکنگ اُتے کمی دا اعلان کر دتا۔
جیہدے مگروں کوئٹہ ایکسپریس دا کوئٹہ توں لاہور دا کرایہ 990توں گھٹ ہو کے 890ہو گیااے۔ ایسے طرحاں بولان میل دا کوئٹہ توں کراچی سٹی دا کرایہ 760توں گھٹ ہو کے 660رُپئے ہو گیا اے۔ بولان میل اُتے دتی جانو الی رعایت دا اطلاق اوسے ویلے ہوئے گا جدکہ اکبر ایکسپریس اُتے دتی جان والی رعایت دا اطلاق پہلی دسمبر توں ہوئے گا۔ ایہناں دوناں گڈیاں دے کرایاں وچ سو، سو رُپئے دی کمی کیتی گئی اے۔ لوکائی نوں ا یہ سہولت 31دسمبر2018تیکر حاصل ہوئے گی۔
