اسلام آباد توں اک ہور سرکاری افسر لاپتا ہو گیا

سی ڈی اے دے ڈپٹی ڈائریکٹر ایاز خان پچھلی رات لاپتا ہوئے

اسلام آباد توں اک ہور سرکاری افسر لاپتا ہو گیا
سی ڈی اے دے ڈپٹی ڈائریکٹر ایاز خان پچھلی رات لاپتا ہوئے

اسلام آباد(پاکستان پوائنٹ نیوز16۔نومبر۔2018ء) ایس پی طاہر داوڑ مگروں وفاقی راجدھانی توں اک ہور سرکاری افسر غائب ہوگیا۔سی ڈی اے دے ڈپٹی ڈائریکٹر ایاز خان نے پچھلی رات لاپتا ہون توں پہلاں اپنی گھر والی نال آخری وار گل کیتی۔ پولیس نے دسیا کہ ایاز خان نے پچھلی رات اپنے گھر فون کر کے آکھیا کہ میں لیٹ آواں گا پر فیر گھر واپس نہیں گئے۔پولیس وسیلیاں مطابق میلوڈی دے دوالے لگے سیف سٹی دے کیمرے وی خراب نیں، جیہدی وجہ توں اوہناں دی ذکر کیتے گئے علاقے وچ آوا جاوی دے حوالے نال تفصیلاں نہیں مل سکدیاں۔

سی ڈی اے دے ڈپٹی ڈائریکٹر ایاز خان ایچ آر ڈی وچ تعینات سن۔ ایاز خان دے گھر والیاں نے آکھیا کہ پچھلی رات توں اوہناں نال رابطہ نہیں ہو رہیا۔ ایاز خان دا موبائل وی بند جا رہیا اے۔دوجے پاسے ایاز خان دی دی گھر والی تے اوہناں دے بھنویے نے یاز خان لاپتا ہون بارے تھانہ آبپارہ وچ درخاست دے دتی اے۔