عمران خان نوں نواز دور وچ لوکاں نوں سول نافرمانی اُتے اُکسانا مہنگا پے گیا

وزیر اعظم عمران خان دی نااہلی لئی درخاست سنوائی لئی مقرر

عمران خان نوں نواز دور وچ لوکاں نوں سول نافرمانی اُتے اُکسانا مہنگا پے گیا
وزیر اعظم عمران خان دی نااہلی لئی درخاست سنوائی لئی مقرر

لاہور(پاکستان پوائنٹ نیوز15۔نومبر۔2018ء) عمران خان نوں نواز دور وچ لوکاں نوں سول نافرمانی اُتے اُکسانا مہنگا پے گیا۔ وزیر اعظم عمران خان دی نااہلی لئی لاہورہائی کورٹ وچ درخاست دائر کیتی گئی سی جو سنوائی لئی مقرر کر لی گئی۔ میڈیا رپورٹس مطابق لاہورہائی کورٹ نے وزیراعظم عمران خان دی نااہلی دی درخاست سنوائی لئی مقرر کر دتی اے۔جسٹس شمس محمود مرزا عمران خان دی نااہلی دی درخاست اُتے سنوائی کرن گے۔

درخاست اُتے سنوائی جمعے دے دیہاڑے ہوئے گی۔ لاہور ہائی کورٹ وچ لائیرز فاؤنڈیشن فار جسٹس نے وزیراعظم عمران خان دی نااہلی لئی درخاست دائر کیتی سی۔ درخاست وچ وفاقی حکومت تے وزیر اعظم عمران خان نیازی نوں فریق بنایا گیا سی۔ درخاست وچ موقف اختیار کیتا گیا سی کہ عمران خان نے ملکی سا لمیت خلاف اقدامات کیتے نیں۔نواز شریف دے حکومتی دور وچ عمران خان نے سول نافرمانی لئی لوکاں نوں اُکسایا سی۔ عمران خان نے لوکا ں نوں آکھیا سی کہ اوہ ٹیکس نہ دین تے باہرلے ملکوں پیسے نہ گھلن جدکہ عمران خان نے حامیوں سنے پارلیمنٹ دی بلڈنگ اُتے دھاوا تے گیٹ توڑیا۔ درخاست وچ بینتی کیتی گئی اے کہ عدالت وزیراعظم عمران خان نوں آرٹیکل 62ون جی دے تحت نااہل تے 124دے تحت کارروائی دا حکم دیوے۔