حکومت نے بنے بنائے پاور پلانٹ ویچن دی تیار ی کر لی

اسلام آباد(پاکستان پوائنٹ نیوز14۔نومبر۔2018ء) وزیر برائے نجکاری محمد میاں سرمرو نے آکھیا اے کہ بلوکی تے حویلیاں پاور پلانٹس دی نجکاری بارے غور کر رہے آں۔بدھ نوں سینیٹ وچ سوالاں دے وقفے دوران سینیٹر محسن عزیز دے سوال دے جواب وچ وزیر برائے نجکاری محمد میاں سرمرو نے دسیا کہ پچھلے پنج ورھیاں دوران پنج نجکاری دیاں کارروائیاں نوں کامیابی نال مکمل کیتا گیا اے۔ اک ضمنی سوال دے جواب وچ اوہناں نے دسیا کہ اجے دو پاور پلانٹس بلوکی تے حویلیاں دی نجکاری بارے غور کیتا جا رہیا اے۔اوہناں دا آکھنا سی کہ صرف نجکاری کمیشن فیصلے نہیں کردا۔ متعلقہ وزارتاں وی اپنیاں سفارشاں دیندیاں نیں۔ نجکاری توں حاصل ہون والے پیسے وزارت نوں چلے جاندے نیں۔