پاکستان نوں کشمیر نہیں چاہیدا،شاہد آفریدی دے بیان نے نویں بحث چھیڑ دتی

اسیں تے چار صوبے نہیں سنبھالدے کشمیر کیویں سنبھالاں گے؟تقریب وچ گل بات

پاکستان نوں کشمیر نہیں چاہیدا،شاہد آفریدی دے بیان نے نویں بحث چھیڑ دتی
 اسیں تے چار صوبے نہیں سنبھالدے کشمیر کیویں سنبھالاں گے؟تقریب وچ گل بات

لاہور(پاکستان پوائنٹ نیوز14۔نومبر۔2018ء) شاہد آفریدی دا آکھنا اے کہ کشمیر نہیں چاہیدا، اسیں تے چار صوبے نہیں سنبھالدے کشمیر کیویں سنبھالاں گے؟تفصیل مطابق پاکستان دے سابق کپتان و مشہور آل راؤنڈر شاہد خان آفریدی اجکل لندن وچ نیں۔ لندن وچ شاہد آفریدی نے اک تقریب وچ رلت کردے ہوئے جھیڑوا(متنازعہ) بیان دے دتا۔ شاہد آفریدی دا آکھنا سی کہ پاکستان نوں کشمیر دی لوڑ نہیں اے۔

پاکستان کشمیر نوں حاصل کرن دا خاہشمند اے۔ شاہد آفریدی دا آکھنا سی کہ پاکستان تے اپنے چار صوبے نہیں سنبھال سکدا، فیر کشمیر کیویں سنبھالے گا۔ شاہد آفریدی دا ہور آکھنا سی کہ کشمیر نہ بھارت نوں دو نہ پاکستان نوں ، کشمیر کشمیریاں نوں دے دیو، کشمیریاں نوں جین دتا جائے۔ شاہد آفریدی دا آکھنا سی کہ کشمیریاں نوں خود مختار علاقے وچ رہن دا حق حاصل اے۔

ایس بیان مگروں شاہد آفریدی نوں اک پاسے پاکستانیاں ولوں تنقید دا نشانہ بنایا جا رہیا اے تے دوجے پاسے بھارتی میڈیا شاہد آفریدی دے بیان نوں بنیاد بنا کے پاکستان نوں اک ناکام ریاست ثابت کرن دی کوشش کر رہیا اے۔ انج دے ماحول وچ شاہد آفریدی نے وضاحتی ردعمل دیندے ہوئے آکھیا اے کہ اوہناں دے بیان نوں توڑ مروڑ کے پیش کیتا گیا۔ میں اپنے ملک نال محبت کرنا واں تے کشمیریاں دیاں کوششاں نوں قدر دی اکھ نال ویکھنا واں۔ انسانیت سبھ توں اُچی ہونی چاہیدی تے اوہناں نوں اوہناں دے حق ملنے چاہیدے۔