حکومت نے اسحاق ڈار دی واپسی لئی برطانیہ نوں خط لِکھ دِتا

حکومت نے اسحاق ڈار دی واپسی لئی برطانیہ نوں خط لِکھ دِتا

اسلام آباد(پاکستان پوائنٹ نیوز14۔نومبر۔2018ء)حکومت پاکستان نے سابق وزیر خزانہ اسحاق ڈار دی واپسی لئی برطانیہ نوں خط لِکھ دِتا۔ سپریم کورٹ وچ مسلم لیگ (ن) دے سینئر رہنما اسحاق ڈار دی وطن واپسی بارے کیس دی سنوائی ہوئی، ایڈیشنل اٹارنی جنرل نے عدالت نوں دسیا اسحاق ڈار دی واپسی دے حوالے نال برطانیہ نوں خط لِکھ دِتا اے، برطانیہ نے سابق وزیر خزانہ دی واپسی دے حوالے نال سوالنامہ گھل دِتا جیہڑا حکومت اج نیب دے حوالے کرے گی۔

سنوائی دوران  چیف جسٹس نے ریمارکس دِتے کہاسحاق ڈار دی بیماری دا ایشو گھٹ اے، اوہ کہندے نیں مینوں انصاف نہیں ملے گا، جدوں انصاف ملے گا پاکستان آواں گا، نہیں پتہ اوہ کس قسم دا انصاف چاہندے نیں پر عدالت جیہنوں چاہوے طلب کر سکدی اے۔عدالت نے کیس وچ ہون والی پیش رفت دے حوالے نال رپورٹ طلب کردیاں سنوائی اک مہینے تیک ملتوی کر دِتی۔ واضح رہوے اسحاق ڈار پاکستان وچ اک توں ودھ مقدمیاں وچ مطلوب نیں تے اوہناں دے خلاف پاناما لیکس دے تناظر وچ نیب ریفرنس وی دائر اے جیہدے وچ اوہ اشتہاری قرار دِتے گئے نیں۔