راولپنڈی(پاکستان پوائنٹ نیوز13۔نومبر۔2018ء) چیف آف آرمی سٹاف جنرل قمر جاوید باجوہ دی صدارت ہیٹھ کور کمانڈر کانفرنس ہوئی، کانفرنس دوران ملک نوں پیش اندرونی تے بیرونی چیلنجاں دا جائزہ لیا گیا۔ پاک فوج دے شعبہ تعلقات عامہ(آئی ایس پی آر) دے مطابق آرمی چیف جنرل قمر جاوید باجوہ دی صدارت ہیٹھ جی ایچ کیو وچ 215ویں کور کمانڈر کانفرنس ہوئی۔ کانفرنس دوران خطے دی سکیورٹی تے جیو سٹرٹیجک صورتحال اُتے غور کیتا گیا۔
کانفرنس وچ ملک دی جغرافیائی تے سکیورٹی صورتحال دا وی جائزہ لیا گیا۔ کانفرنس دوران مشرقی سرحد دی صورتحال تے بھارت ولوں کنٹرول لائن اُتے سیز فائر سمجھوتے دی خلاف ورزی دا معاملا وی غور ہیٹھ آیا۔ کانفرنس دوران پاک افغان سرحد اُتے تار لان تے جاری آپریشن وچ ہون والی پیشرفت بارے وی غور کیتاگیا۔ آئی ایس پی آر مطابق کانفرنس وچ ملک اندر دیرپا امن لئی کوششاں جاری رکھن دے عزم دا اعادہ کیتا گیا۔ رلتیاں نے آکھیا کہ ملک وچ امن و استحکام دے فروغ لئی تعاون کردے رہواں گے۔
