چیف جسٹس نال گورنر سندھ دی ملاقات، ڈیمز فنڈ لئی عطیہ دتا

گورنر سندھ عمران اسماعیل نے ملاقات دوران 67کروڑ37لکھ91ہزار رُپئے دا چیک چیف جسٹس دے حوالے کیتا

چیف جسٹس نال گورنر سندھ دی ملاقات، ڈیمز فنڈ لئی عطیہ دتا
گورنر سندھ عمران اسماعیل نے ملاقات دوران 67کروڑ37لکھ91ہزار رُپئے دا چیک چیف جسٹس دے حوالے کیتا

لاہور(پاکستان پوائنٹ نیوز13۔نومبر۔2018ء) چیف جسٹس آف پاکستان جسٹس میاں ثاقب نثار نال گورنر سندھ عمران اسماعیل نے ملاقات کیتی، ملاقات دوران گورنر سندھ نے چیف جسٹس ثاقب نثار دی ڈیمز فنڈز مہم نوں سلاہیا(سراہیا) تے 67کروڑ 37لکھ91ہزار رُپئے دا چیک چیف جسٹس نوں دتا۔ میڈیا رپورٹس مطابق گورنر سندھ عمران اسماعیل نے چیف جسٹس سپریم کورٹ جسٹس ثاقب نثار نال ملاقات کر کے ڈیمز فنڈ لئی عطیہ دی رقم اوہناں دے حوالے کیتی اے۔

ملاقات دوران عمران اسماعیل نے چیف جسٹس ثاقب نثاردے پانی بحران دے مسئلے نوں حل کرن لئی ڈیمز بنان دے عزم نوں سلاہیا اے۔ اوہناں نے آکھیا کہ چیف جسٹس ولوں ڈیم بنان دا کم پاکستان دی بقاء لئی اے۔ چیف جسٹس دے اقدام نال نہ صرف پانی دا بحران ختم ہو جائے گا بلکہ پاکستان وچ ڈیمز بنن نال سستی پن بجلی وی ملے گی۔ گورنر سندھ عمران اسماعیل نے ملاقات دوران ڈیمز لئی 67کروڑ37لکھ91ہزار رُپئے دا چیک چیف جسٹس دے حوالے کیتا۔