پنجاب وچ تحریک انصاف صرف اک ای صورت وچ رہ سکدا اے

جے اوہ پرویز الہی نوں وزیر اعلا پنجاب بنا دیوے، نہیں تے پاکستان مسلم لیگ (ن) پرویز الہی نوں وزیر اعلا بنا دیوے گی:مشہور پرچاکار

پنجاب وچ تحریک انصاف صرف اک ای صورت وچ رہ سکدا اے
 جے اوہ پرویز الہی نوں وزیر اعلا پنجاب بنا دیوے، نہیں تے پاکستان مسلم لیگ (ن) پرویز الہی نوں وزیر اعلا بنا دیوے گی:مشہور پرچاکار

لاہور(پاکستان پوائنٹ نیوز13۔نومبر۔2018ء) اک ملاقات دوران سپیکر پنجاب اسمبلی چودھری پرویز الہی تے پاکستان تحریک انصاف دے سینئررہنما جہانگیر ترین خان دی ویڈیو لیک ہو گئی سی جیہدے وچ کُجھ انج دیاں وی گلاں کیتیاں گئیاں کہ ایہدے توں ایہ تاثر پیدا ہون لگا کہ تحریک انصاف تقسیم ہو رہی اے یاں وزیر اعلا کول سارے اختیارات نہیں۔ ایس بارے گل بات کردے ہوئے مشہور پرچا کار خوشنود علی خان دا آکھنا اے کہ وزیر اعظم عمران خان سمجھدے نیں کہ اوہناں نال جو وی جُڑدا اے اوہ پارس بن جاندا اے۔

پر مینوں ایہ لگدا اے کہ پرویز الہی، جہانگیر ترین تے علیم خان ورگے رہنما پنجاب وچ عمران خان دیاں کامیابیاں اُتے پانی پھیر دین گے تے تحریک انصاف کول پنجاب صرف اک ای صورت وچ رہ سکدا اے ، جے اوہ پرویز الہی نوں وزیر اعلا پنجاب بنا دیوے، نہیں تے پاکستان مسلم لیگ (ن) پرویز الہی نوں وزیر اعلا بنا دیوے گی۔