لاہور(پاکستان پوائنٹ نیوز12۔نومبر۔2018ء) لاہور وچ مسلم لیگ (ن) ہتھوں اک ہور سیٹ نکلدی نظر آن لگی، سعد رفیق دی چھڈی ہوئی سیٹ پی پی 168اُتے پی ٹی آئی بھاری پے گئی۔تفصیل مطابق 25جولائی نوں ہون والے عام انتخابات وچ خواجا سعد رفیق نے دو سیٹاں اُتے الیکشن وچ حصہ لیا۔ خواجا سعد رفیق نے قومی اسمبلی دی سیٹ این اے 131تے صوبائی اسمبلی دی سیٹ پی پی 168توں الیکشن لڑیا۔
این اے 131وچ اوہناں نوں وزیراعظم عمران خان ہتھوں ہار دا ساہمنا کرنا پیا ۔ پر اوہ پی پی 168توں کامیاب ہوئے۔ بعد وچ عمران خان ولوں ایہ سیٹ چھڈے جان مگروں ضمنی الیکشن وچ سعد رفیق نے اپنے مقابلے وچ پی ٹی آئی دے امیدوار ہمایوں اختر خان نوں ہرادتا۔ پر ہن سعد رفیق ولوں چھڈی جان والی سیٹ پی پی 168(ن) لیگ ہتھوں نکلدی وکھالی دے رہی اے۔ایس حلقے دی اعوان برادری نے پی ٹی آئی امیدوار ملک اسد علی کھوکھر دی حمایت دا اعلان کر دتا۔
جدکہ دوجے پاسے (ن) لیگ دے مقامی رہنماواں نے پی ٹی آئی وچ رلتی ہون دااعلان کر کے پی ٹی آئی امیدوار نوں حمایت دی بھرپور یقین دہانی کروا دتی اے۔ تقریب نال خطاب کردے ہوئے پی ٹی آئی امیدوار ملک اسد علی کھوکھر دا کہنا سی کہ ایس ضمنی الیکشن وچ ہار مسلم لیگ(ن) دے مقدر وچ لکھی جا چکی اے۔ اوہ ایس حلقے توں وڈی گنتی وچ ووٹ لے کے جِتن گے۔
