اسلام آباد(پاکستان پوائنٹ نیوز12۔نومبر۔2018ء) میں اسرائیل دی حمایت وچ کوئی قرارداد پیش کیتی اے تے اوہ گل بالکل جھوٹھی اے، میں صرف اک گل کیتی سی مسلماناں نوں قتل تے ذبح ہون توں بچایا جائے۔تفصیل مطابق اسماء حدیدنے قومی اسمبلی وچ جھیڑوی(متنازعہ) تقریر وچ آکھیا کہ نبی پاک نے مسلماناں نوں نماز کعبہ ول مونہ کر کے پڑھن دا حکم دتا پر جدوں یہودیاں دے اعتراض اُتے آپ نے پروشلم ول نماز پڑھن دا حکم دتا،فیر رب ولوں جدوں حکم آ گیا کہ جیہدے وچ رب نے فیصلا کر دتا کہ یہودیاں دا کعبہ یروشلم مسجد اقتصی ہوئے گا جدکہ مسلماناں دا کعبہ اوہی ہوئے گا جو عرب وچ اے۔
ایس لئی ہن مسلماناں تے یہودیاں دی لڑائی ایس معاملے اُتے تے ختم ہونی چاہیدی۔ نبی پاک تے حضرت علی نے فرمایا کہ اپنے دشمن نوں دوست بنا لوو۔ بنی پاک نے یہودیاں نال کم کر کے اک مثال قائم کیتی اے۔ اوہناں نے آکھیا کہ میں آکھنا چاہنی آں کہ اسیں یہودیاں بارے گل کردے ہوئے اوہناں نوں مندا آکھدے آں پر جدوں اسیں نماز پڑھنے آں تے اسیں درود شریف پڑھدے ہوئے پوری آل نوں دعا دینے آں۔
اسماء حدید نے آکھیا کہ نبی پاک نے سانوں جو سکھایا اسیں اوہنوں غلط انداز وچ پیش کردے آں۔ جس طرحاں ساڈے مولانا آکھدے نیں۔ اوہناں نے آکھیا کہ نبی پاک وی بنی اسرائیل توں سن۔ کیہ اسیں مسلمان کُجھ انج نہیں کر سکدے کہ دنیا وچ جو مسلمان مر رہے نیں۔ علماء کرام نوں قرآن پاک توں ایسی راہ کڈھنی چاہیدی کہ اسیں سارے ایس قتلام توں بچ جائیے۔ اوہناں دی ایس تقریر اُتے رولا پیا تے اسماء حدید نے ویڈیو دی صورت وچ وضاحتی بیان جاری کر دتا۔
اوہناں دا آکھنا سی کہ اک وار اپنے بھین بھراواں نوں فیر دسدی جاواں تے وضاحت دے دیواں کہ سویر توں قومی اسمبلی وچ اک بحث ہو رہی سی جیہدے وچ اسرائیلی جہاز دے حوالے نال بحث ہوئی جو زور پھڑ گئی تے ایہدے اُتے گرما گرمی دی صورتحال بن گئی۔ ایس صورتحال وچ اک گل جو میں اوہناں تیکر اپڑانا چاہندی سی اوہ ایہ سی کہ ایتھے اسیں لڑن دی بجائے اوتھے نہ چلے جائیے تے اپنے مسلمان بھراواں نوں بچا کیوں نہیں لیندے۔
اوہناں دا آکھنا سی کہ میرا موقف اے کہ اسیں کوئی موقف اختیار کر لئے پر ایہ سبھ خون بند ہونا چاہیدا۔ اوہناں دا آکھنا سی کہ ساڈے کول نمونہ نبی دی ذات توں وکھ کوئی وی نہیں۔ اوہناں نے ہور آکھیا کہ میرے بارے جو آکھیا جا رہیا اے کہ میں اسرائیل دی حمایت وچ کوئی قرارداد پیش کیتی اے تے اوہ گل بالکل جھوٹھی اے۔ میں صرف اک گل کیتی سی کہ مسلماناں نوں قتل تے ذبح ہون توں بچایا جائے۔
