راولپنڈی(پاکستان پوائنٹ نیوز10۔نومبر۔2018ء) بھارت ولوں لائن آف کنٹرول تے ورکنگ باؤنڈری اُتے سیز فائر سمجھوتے دی خلاف ورزی دا سلسلا جاری اے۔ بھارتی فورسز نے ایل او سی اُتے لیپہ سیکٹر وچ انھے واہ فائرنگ کر دتی، جیہدے نتیجے و چ چار شہری زخمی ہوگئے۔ پاک فوج دے شعبہ تعلقات عامہ(آئی ایس پی آر) دے مطابق بھارتی فورسز نے لائن آف کنٹرول اُتے لیپہ سکیٹر وچ شہری آبادی نوں نشانہ بنایا۔بھارتی فورسز ولوں فائرنگ دے نتیجے وچ چار شہری زخمی ہو گئے نیں۔ پاک فوج نے جوابی فائرنگ کردے ہوئے مونہ توڑ جواب دتا۔ پاک فوج نے بھارتی فوج دیاں چیک پوسٹاں نوں نشانہ بنایا۔ بھارتی فائرنگ نال زخمی ہون والیاں وچ ظہیر،ناصر، شوکت تے منیر شامل نیں۔
بھارت ولوں ایل او سی اُتے فائر سمجھوتے دی خلاف ورزی،4شہری زخمی
6 سال پچھے
