لاہور(پاکستان پوائنٹ نیوز10۔نومبر۔2018ء) وفاقی وزیر برائے ریلو ے شیخ رشید نے پاکستان ریلویز و چ ویجلنس ڈیپارٹمنٹ دے خاتمے دا اعلان کردے ہوئے آکھیا اے کہ وفاقی حکومت نے پاکستان ریلویز والٹن اکیڈیمز نوں یونیورسٹی بنان دا فیصلا کیتا اے۔ ریلوے ہیڈ کوارٹر لاہور وچ پریس کانفرنس نال خطاب کردے ہوئے شیخ رشید نے آکھیا کہ پاکستان ریلوے دی ذمے واری مسافراں نوں سفر دیاں بہترین سہولتاں دینا اے۔
کئی سوالاں دا جواب دیندے ہوئے اوہناں نے آکھیا کہ اسلام آباد توں کراچی وچکار چلن والی گرین لائن ایکسپریس دی کیٹرنگ بحال کر دتی گئی اے جدکہ لاہور تے کراچی وچکار چلن والی کراچی ایکسپریس تے تیز گام دی کیٹرنگ وی چھیتی شروع کر دتی جائے گی۔ وزیر ریلوے نے آکھیا کہ اوہناں نے محکمے دے افسراں تے ملازماں دی ٹرانسفر پوسٹنگاں وچ کدی کوئی مداخلت نہیں کیتی۔ وزیر اعظم عمران خان 15نومبر نوں حیدر آباد ایکسپریس دا افتتاح کرن گے جدکہ لاہور تے فیصل آباد وچکار چلن والی مسافر ٹرین نوں ملتان تیکر لیجان دا فیصلا کیتا گیا اے۔
