اسلام آباد(پاکستان پوائنٹ نیوز10۔نومبر۔2018ء) مولانا خادم حسین رضوی نے اپنا اک دن دا خرچہ دس دتا۔ اوہناں دا آکھنا اے کہ میں اپنی گڈی وچ اچار رکھیا ہویا اے تے اوہدے نال روٹی کھا لینا واں، میرا اک دن دا خرچہ 6رُپئے اے، میں اج تیکر مونہ اُتے کریم نہیں لائی پر تارے میرے دا تیل لانا واں۔ تفصیل مطابق سوشل میڈیا اُتے تحریک لبیک دے سربراہ مولانا خادم حسین رضوی دی اک ویڈیو وائرل ہو رہی اے جیہدے وچ اوہناں اپنی سادہ زندگی بارے دسیا اے۔
ذکر کیتی گئی ویڈیو وچ مولانا خادم حسین رضوی دا آکھنا اے کہ میں اپنی گڈی وچ اچار رکھیا ہویا اے ، جے مینوں گھروں روٹی نہ ملے تے میں کسے تندور اُتے گڈی روکاں گا تے آکھاں گا کہ روٹی لے آؤ تے فیر میں اچار نال روٹی کھا کے گزارا کرلواں گا۔ مولانا خادم حسین رضوی دا آکھنا اے کہ میرا تے اک دن دا خرچہ ای 6رُپئے اے۔ اوہناں نے آکھیا کہ مینوں نہیں پتا ایہ لپ سٹک تے کریم کیہ ہوندی اے میں تے گڈی وچ تارے میرے دا تیل رکھیا ہویا اے تے اوہ لانا واں۔
ویڈیو وچ اوہناں نے ہور آکھیا کہ میں زندگی وچ نہیں سُنیا کہ کریم کیہ ہوندی اے میں تے کدے مونہ اُتے کریم نہیں لائی۔ میں مونہ تے سِر اُتے تارے میرے دا تیل لانا واں۔ تے اک پاسے اوہ لیڈر نیں جو میک اپ کرواندے نیں تے اک دن دا 40ہزار دا میک اپ کرواندے نیں۔ کیہ لیڈر انج دے ہوندے نیں؟کیہ تہانوں لوکاں نوں انج دے لیڈر چاہیدے نیں جو چور تے لٹیرے ہون؟یاں انج دے چاہیدے جو دن وچ صرف چھ رُپئے خرچے کردے نیں تے تارے میرے دا تیل لا کے پورا دن لنگھاندے نیں۔
