کراچی(پاکستان پوائنٹ نیوز09۔نومبر۔2018ء) فاروق ستار نوں ایم کیو ایم وچوں کڈھ دتا گیا، شوکاز نوٹس دا جواب نہ دین اُتے متحدہ دی قیادت نے پارٹی دے سابق سربراہ دی رکنیت ختم کر دتی۔ تفصیل مطابق کراچی دی سیاست وچ اک وار فیر وڈی تبدیلی آئی اے۔ اک وار فیر ایم کیو ایم پاکستان دی وجہ توں کراچی دی سیاست دا درجہ حرارت ودھدا وکھالی دے رہیا اے۔ اطلاع مطابق ایم کیو ایم دے سابق سربراہ فاروق ستار نوں ایم کیو ایم پاکستان وچوں کڈھ دتا گیا اے۔
پارٹی ڈسپلن دی خلاف ورزی اُتے فاروق ستار نوں ایم کیو ایم پاکستان دی قیادت ولوں شوکاز نوٹس جاری کیتا گیا سی۔ پر فاروق ستار ولوں شوکاز نوٹس اُتے کسے قسم دا جواب جمع نہ کروان اُتے اوہناں نوں پارٹیوں کڈھ دتا گیا اے۔ فاروق ستار نوں ایم کیو ایم وچوں کڈھن دا فیصلا اج بہادر آباد وچ ایم کیو ایم پاکستان دے ہنگامی اجلاس دوران ساہمنے آیا۔
