راولپنڈی(پاکستان پوائنٹ نیوز09۔نومبر۔2018ء) جے یو آئی (س) دے سربراہ مولانا سمیع الحق دے قتل دی تفتیش کرن والی اُچیچی(خصوصی) ٹیم دے سربراہ نوں بدل دتا گیا اے۔ میڈیا رپورٹس مطابق جے یوآئی (س) دے سربراہ مولانا سمیع الحق دے قتل دیاں تحقیقات لئی ایس پی انویسٹی گیشن سرور غیاث گل دی سربراہی وچ 7رکنی ٹیم بنائی گئی پر ہن ایس ٹیم دے سربراہ نوں بدل دتا گیا اے۔
ایس پی راولپنڈی سردار غیاث گل نوں پرنسپل پولیس ٹریننگ سکول تعینات کر دتا گیا اے۔ اوہناں دی تھاں گوجرانوالا وچ تعینات ایس ایس پی امیر عبداللہ نیازی نوں ایس پی انویسٹی گیشن راولپنڈی تعینات کر دتا گیا۔ مولانا سمیع الحق کیس دی تفتیشی ٹیم دی سربراہی وی امیر عبداللہ نیازی کرن گے۔یاد رہوے کہ مولانا سمیع الحق نوں 2نومبر نوں راولپنڈی وچ اوہناں دے گھر ای قتل کر دتا گیا سی۔
