اسلام آباد(پاکستان پوائنٹ نیوز09۔نومبر۔2018ء) سابق وزیر اعظم نواز شریف احتساب عدالت وچ نیب مقدمیاں دا ساہمنا کر رہے نیں جیہدے وچ کئی وکیل اوہناں دے کیساں دی پیروی کردے نیں پر ہن انکشاف ہویا اے کہ نیب دے مقدمیاں دی فیس دے بدلے وچ سابق وزیر اعظم نواز شریف نے سونے دی کان دے دتی۔ قومی اخبار وچ چھپن والی اک رپورٹ وچ دسیا گیا کہ نواز شریف نے نیب مقدمے ختم کروان لئی فیس تے ہور خرچے لئی اک کمپنی نوں پیسے دین دی بجائے ریکوڈیک دے علاقے وچ ریکوڈیک دی سونے دی کان دا اک وڈا علاقہ مفت وچ دے دتا تے ذکر کیتی گئی کمپنی 2سال توں ودھ ویلے توں سونا کڈھ کے دوجے ملک گھل رہی جدکہ شہباز شریف نے تن ارب رُپئے دی لاگت نال لگن والے سولر پاور پلانٹ 15ارب توں ودھ وچ لوا کے قوم دا گھٹو گھٹ 12ارب صرف اک منصوبے وچ ضائع کر دتا۔
سابق وزیر اعظم شاہد خاقان عباسی نے پاکستان وچ پی او ٹی دی بنیاد اُتے ترکی دی کمپنی نوں سستی بجلی دے پلانٹ ایس لئی لان نہیں دتے سن کہ جے سستی بجلی دے پلانٹ لگ جاندے تے آر ایل این جی دا منصوبہ ناکام ہو جانا سی جو مہنگے ریٹ اُتے خریدی گئی سی۔ ایہناں سارے خیالاں دا اظہار صوبائی وزیر پنجاب ڈاکٹر اختر ملک نے اک انٹرویو دوران کیتا۔
