اسلام آباد(پاکستان پوائنٹ نیوز08۔نومبر۔2018ء) جنوبی پنجاب دے سینئر سیاستدان مسلم لیگ (ن) دے دو ٹکڑے کرن لئی سرگرم۔میڈیا رپورٹس وچ دسیا گیا اے کہ اک سینئر سیاستدان پاکستان مسلم لیگ (ن) دے رہنماواں دی وڈی گنتی نوں پارٹی توں وکھ کرکے اک وکھ جماعت بنان لئی سرگرم نیں۔ ایس حوالے نال اک قومی اخبار دی رپورٹ وچ لکھیا گیا اے کہ مسلم لیگ (ن) دے ارکان اسمبلی نے فارورڈ بلاک اُتے کم شروع کر دتا اے تے پہلے مرحلے وچ پنجاب توں تعلق رکھن والے مسلم لیگ (ن) دے ارکان قومی اسمبلی آپس وچ رابطے کر رہے نیں۔
وسیلیاں مطابق ایس فارورڈ بلاک دا اعلان اوس ویلے ہوئے گا جدوں اوہدے ارکان دی گنتی لیگی ارکان دی گنتی دے ادھ(نصف) توں ودھ ہوئے گی۔ تے ایس طرحاں مسلم لیگ (ن) دا ایہو فارورڈ بلاک ای اصل مسلم لیگ دی گنتی و چ بُہتا ہون دی وجہ توں قومی اسمبلی وچ پہلے مرحلے اُتے اپناقائد حزب اختلاف چُنے گا تے فیر دوجے مرحلے وچ پنجاب اسمبلی وچ وی حقیقی فارورڈ بلاک ساہمنے لیان دی کوشش کیتی جائے گی۔ ایس طرحاں مسلم لیگ (ن) توں نواز شریف تے اوہناں دے خاندان دے عنصر دا خاتمہ ہو جائے گا۔
