لاہور(پاکستان پوائنٹ نیوز08۔نومبر۔2018ء) سینئر جج جسٹس اطہر من اللہ نوں اسلام آباد ہائی کورٹ دا چیف جسٹس بنان دی منظوری دے دتی گئی، جسٹس اطہر من اللہ سینئر ترین جج نیں، ججاں دی تقرری لئی قائم پارلیمانی کمیٹی نے جسٹس اطہر من اللہ نوں چیف جسٹس اسلام آباد ہائی کورٹ بنان دی منظوری دتی۔ میڈیا رپورٹس مطابق چیف جسٹس سپریم کورٹ جسٹس میاں ثاقب نثار دی سربراہی وچ جوڈیشل کمیشن آف پاکستان نے پہلی نومبر نوں اسلام آباد ہائی کورٹ دے سینئر جج جسٹس اطہر من نوں چیف جسٹس اسلام آباد ہائی کورٹ بنان دی سفارش کیتی سی جیہدے اُتے اعلا عدلیہ ولوں ججاں دی تقرری لئی بنائی گئی پارلیمانی کمیٹی نے جسٹس اطہر من اللہ نوں چیف جسٹس بنان دی منظوری دے دتی اے۔
ذکر کیتی گئی کمیٹی وچ مسلم لیگ (ن) دے رہنما رانا ثنااللہ، جاوید عباسی، پیپلز پارٹی دے راجا پرویز اشرف تے فاروق ایچ نائیک، پی ٹی آئی دے نعمان وزیر تے بلوچستان توں سرفراز بگٹی شامل نیں۔ کمیٹی نے جوڈیشل کمیشن آف پاکستان دی سفارش اُتے جسٹس اطہر من اللہ نوں چیف جسٹس اسلا آباد ہائی کورٹ بنان دی مظوری دتی اے۔
