خیرپور(پاکستان پوائنٹ نیوز08۔نومبر۔2018ء) پاکستان پیپلز پارٹی دے شریک چیئرمین آصف زرداری نے آکھیا اے کہ حکومت نوں آئی ایم ایف کول نہیں جانا چاہیدا، حکومت اپنے آپ نوں مضبوط کرے کہ کیتے ہور جان دی لوڑ نہ پئے، منظور وسان دا خاب پورا ہوئے گا، حکومت مدت پوری نہیں کر یگی۔ تفصیل مطابق اوہناں نے میڈیا نال گل بات کردے ہوئے آکھیا کہ آسریاں اُتے حکومت نہیں چلدی۔
نواز شریف وانگ ایہ وی سمجھوتے دے تحت آئے نیں۔ این آر او دھرنے والیاں نال کیتا گیا۔ عمران خان ہمیشہ یوٹرن لیندے نیں۔ ملک وچ انڈر چودھاں ٹیم کھیڈ رہی اے۔ اوہناں نے آکھیا کہ حکومت نوں آئی ایم ایف کول نہیں جانا چاہیدا۔ اپنے آپ نوں مضبوط کرئیے کہ کیتے ہور جان دی لوڑ نہ پئے۔ اوہناں نے آکھیا کہ بیوروکریٹ موجود حالات وچ کم کرن نوں تیار نہیں۔
لوکائی نوں ریلیف نہیں دتا جا رہیا، لوکائی پریشان اے۔اوہناں دا آکھنا سی کہ جدوں گیس تے پٹرول دیاں قیمتاں ودھاواں گے تے ہر شے دی قیمت ڈبل ہو جائے گی۔ ساڈی حکومت نے کم کیتا اے۔ لوکاں دیاں زمیناں نوں پیسے دتے نیں۔ آصف زرداری نے آکھیاکہ بھاشا ڈیم دی فزیبلٹی بنائی، بھاشا ڈیم سبھ دی سوچ وچ اے۔ اوہناں نے آکھیا کہ ساڈی حکومت نے ڈیماں لئی کم کیتا۔ سابق صدر آصف علی زرداری دا کہنا سی کہ سندھی لوکائی نے 2018وچ وی پیپلز پارٹی نوں ووٹ دے کے محبت دا اظہار کیتا اے۔
