لاہور(پاکستان پوائنٹ نیوز08۔نومبر۔2018ء) شیخ رشید نے انٹرویو مگروں مشہور اداکارہ دانمبر کیوں منگیا؟مشہور اداکارہ سعدیہ امام نوں شیخ رشید دے سگار پین دا انداز سوہنا لگ گیا ۔بیتے ویلے دے انٹرویو دوران پیش آیا دلچسپ قصہ وی سُنا دتا۔ قومی اخبار دی اک رپورٹ مطابق مشہور اداکارہ سعدیہ امام دا آکھنا سی کہ اوہناں نے عید دے اک پروگرام دی شوٹنگ دوران وفاقی وزیر ریلوے شیخ رشید احمد کولوں 5ہزار رُپئے عیدی لئی سی۔
مجمان(میزبان) ولوں سعدیہ امام کولوں سوال کیتا گیا کہ اوہناں نوں سبھ توں ودھ کیہدا انٹرویو کرن وچ مزا آیا ، جیہدے اُتے اوہناں نے دسیا کہ میں کئی لوکاں دے انٹرویوز کیتے پر سبھ توں ودھ مزا شیخ رشید دا انٹرویو کرن دا آیا۔ شیخ رشید دا سگار پین دا انداز ای وکھ اے۔ سعدیہ امام نے آکھیا کہ اوہناں نے شیخ رشید کولوں پنج ہزار رُپئے عید وی لئی تے اوہناں پیسیاں نوں فریم کر ا کے رکھ لیا اے۔ اداکارہ نے دسیا کہ جدوں شیخ رشید دا انٹرویو ختم ہویا تے اوہدے بعد پروڈیوسردا فون آیا کہ شیخ صاحب تہاڈا نمبر منگ رہے نیں۔ میں پُچھیا کہ کیتے اوہ پیسے واپس تے نہیں منگ رہے۔ بعدوں شیخ رشید صاحب دا فون آیا تے اوہناں نے مینوں آکھیاکہ پُتر اوہ ایڈٹ کروا دینا۔
