نوابشاہ(پاکستان پوائنٹ نیوز07۔نومبر۔2018ء) سابق صدر آصف علی زرداری نے اگلی حکومت پیپلز پارٹی دی ہون دا دعوا کر دتا۔ میڈیا رپورٹس مطابق سابق صدر آصف علی زرداری دا آکھنا اے کہ سندھی لوکائی نے 2018وچ وی پیپلز پارٹی نوں ووٹ دے کے محبت دا اظہار کیتا اے۔ سبھ کُجھ سمجھنا واں تے ہور سمجھ رہیا واں۔ اوہناں نے آکھیا کہ ساڈا اک گھر اے۔ آپس وچ بھرا وی لڑے پیندے نیں۔
میں خش اودوں ہونا واں جدوں لوکائی خش ہوندی اے۔ لوکائی دی خدمت کر کے رب نوں راضی کراں گا۔ آصف علی زرداری دو دوناں دے دورے اُتے خیرپور وچ سن، جتھے اوہناں کرونڈی وچ جلسے نال خطاب وی کیتا۔ یاد رہوے کہ پچھلے دیہاڑے وی نوابشاہ وچ ورکرز نال خطاب کردے ہوئے اوہناں دا آکھنا سی کہ عمران خان نوں ڈیل راہیں اقتدار وچ لیاندا گیا۔ ایس توں پہلاں نواز شریف نوں وی ڈیل راہیں لیاندا گیا سی۔
ڈیل کروان والے اوہناں نوں لے آؤندے نیں پر فیر اوہناں کولوں ملک نہیں چلدا۔ اوہناں دا آکھنا سی کہ موجودہ وزیراعظم ڈیل دے تحت حکومت وچ آیا۔ عمران خان نوں ڈیل کرنا تے آؤندی اے پر حکومت چلانی نہیں۔ پاکستان وچ اقتدار ڈیل دے بغیر نہیں ملدا۔ اسیں بغیر ڈیل دے حکومت لئی تے ملک چلا کے وکھایا۔ ساڈا وزیر اعظم کشکول کے کے دنیا وچ گھم رہیا اے۔ آصف زرداری نے آکھیا کہ مینوں گرفتار کرن لئی راہ لبھیا جا رہیا اے۔
پر میری گرفتاری لئی اوہناں کول ثبوت نہیں نیں۔ اوہناں نے آکھیاکہ مینوں پہلاں وی گرفتار کیتا گیا سی۔ ہن گرفتاری ہوئی تے میری شہرت وچ وادھا ہوئے گا۔ آصف زارداری نے آکھیا کہ حکومت نال لڑائی میرے لئی نویں گل نہیں اے۔ حکومت نال رسہ کشی رہندی اے۔ پر میرا سرکار نال کوئی جھیڑا نہیں اے۔
