پشاور(پاکستان پوائنٹ نیوز06۔نومبر۔2018ء) مشہور عالم دین مولانا طارق جمیل نے آکھیا اے کہ مولانا سمیع الحق دی شہادت نال عالم اسلام نوں وڈا جھٹکا لگا اے، حکومت نوں چاہیدا کہ مولانا سمیع الحق دے قاتلاں نوں کیفر کردار تیکر اپڑائے۔ نوشہرہ اکوڑہ خٹک وچ ہرکھ مگروں میڈیا نال گل بات کردے ہوئے مولانا طارق جمیل دا آکھنا سی کہ مولانا سمیع الحق اک وڈی شخصیت سن۔
مولانا سمیع الحق دی شہادت نال عالم اسلام نوں وڈا جھٹکا لگا اے۔اوہناں دا آکھنا سی کہ موت ہر کسے نوں آؤنی اے ۔ہر کسے نے فنا ہونا اے۔ رب مرحومین نوں صبر جمیل دیوے ۔اوہناں دا آکھنا سی کہ حکومت نوں چاہیدا کہ مولانا سمیع الحق دے قاتلاں نوں کیفر کردار تیکر اپڑائے۔ ایس موقعے تے مولانا طارق جمیل نے مولانا سمیع الحق دی حیاتی اُتے چانن پایا۔ اوہناں دا آکھنا سی کہ مولانا سمیع الحق مرحوم نے دین اسلام لئی قربانیاں دتیاں۔ مولانا سمیع الحق مرحوم دی موت دی خبر سُن کے مینوں صدمہ اپڑیا۔اوہناں نے 83سال دی عمر وچ شہادت پائی۔
