اسلام آباد(پاکستان پوائنٹ نیوز06۔نومبر۔2018ء) وزیر اعظم عمران خان تے آرمی چیف جنرل قمر جاوید باجوہ وچکار اہم ملاقات ہوئی اے۔ ملاقات وچ دو پاسی دلچسپی دے امور تے قومی سلامتی دی صورتحال بارے وچار وٹاندرا کیتا گیا۔میڈیا رپورٹس مطابق وزیر اعظم عمران خان تے آرمی چیف جنرل قمر جاوید وچکار ملاقات ہوئی اے۔ ملاقات وزیر اعظم ہاؤس وچ ہوئی۔ ملاقات دوران سکیورٹی صورتحال بارے گل بات کیتی گئی۔
وزیر اعظم عمران خان نے آرمی چیف نوں چین دے دورے اُتے اعتماد وچ وی لیا۔وزیر اعظم تے چیف آف آرمی سٹاف جنرل قمر جاوید باجوہ وچکار ملاقات قومی سلامتی دے اجلاس توں پہلاں ہوئی۔ بعدوں وزیر اعظم دی صدارت ہیٹھ قومی سلامتی کمیٹی دا اجلاس ہویا۔ اجلاس وچ ملکی سلامتی بارے گلاں دا جائزہ لیا گیا۔ اجلاس وچ وزیر خزانہ اسد عمر، وزیر خارجا شاہ محمود قریشی، وزیر مملکت برائے داخلا شہریار آفریدی تے وزیر اطلاعات فوادی چودھری تے قومی سلامتی دے اداریاں دے سربراہواں جیہناں وچ آرمی چیف جنرل قمر جاوید باجوہ، چیئرمین جوائنٹ چیف آف سٹاف کمیٹی جنرل زبیر محمود حیات، سربراہ پاک بحریہ ایڈمرل ظفر محمود عباسی، پاک فضائیہ دے سربراہ ائر چیف مارشل مجاہد انور خان ،ڈی جی آئی ایس آئی لیفٹیننٹ جنرل عاصم منیر، ڈی جی ایم آئی تے ڈی جی آئی ایس پی آر سنے ہور حکام رلتی ہوئے۔
اجلاس تن گھنٹے جاری رہیا۔ اعلامیے مطابق اجلاس وچ ملکی سلامتی تے داخلی صورتحال بارے وچار وٹاندرا کیتا گیا۔
