لاہور(پاکستان پوائنٹ نیوز06۔نومبر۔2018ء) آئی ایم ایف نے پاکستان نوں 12ارب ڈالر دا سہولتی قرضہ دین دی آفر کر دتی۔ پاکستان نے آئی ایم ایف کولوں قرضہ لین دی درخاست دتی سی، پر قرضے لئی حکومت تے آئی ایم ایف وچکار اجے شرطاں طے ہونیاں باقی نیں۔ میڈیا رپورٹس مطابق آئی ایم ایف نے پاکستان نوں قرضہ دین دی آفر کر دتی اے۔ آئی ایم ایف ولوں پاکستان نوں 12ارب ڈالر دا سہولتی قرضہ دین دی آفر کیتی گئی اے۔
پر قرضہ لین لئی پاکستانی حکومت تے آئی ایم ایف وچکار اجے شرطاں طے ہونیاں باقی نیں۔ دوجے پاسے ماہرین دا آکھنا اے کہ پچھلی حکومت دے پیش کیتے گئے بجٹ اُتے نظرثانی تحریک انصاف دی حکومت دا حق سی۔ صنعتی شعبیاں لئی گیس دے ریٹ تے بجلی دی قیمت ودھانا تے حکومت دا آئی ایم ایف کول جانا چنگا فیصلا اے۔
