سیالکوٹ(پاکستان پوائنٹ نیوز05۔نومبر۔2018ء) سیالکوٹ وچ اک دُکھ بھریا واقعہ ساہمنے آیا اے۔ وزیر اعلا پنجاب سردار عثمان بزدار دی گڈی نے بال نوں ٹکر مار دتی۔ بال نوں زخمی حالت وچ ہسپتال منتقل کر دتا گیا۔میڈیا رپورٹس مطابق وزیر اعلا پنجاب سردار عثمان بزدار سیالکوٹ وچ ہیڈ مرالا ہائیڈ و پاور پراجیکٹ دا افتتاح کرن مگروں واپس آ رہے سن کہ پروٹوکول دی گڈی نے اک بال نوں ٹکر مار دتی۔
ٹکر دے نتیجے وچ بال زخمی ہو گیا، جیہنوں ڈاکٹری امداد لئی ہسپتال منتقل کر دتا گیا اے۔بال دی شناخت وصی اللہ دے ناں توں ہوئی اے۔ ذکر کیتا گیا بال مدرسے وچ پڑھدا اے تے مدرسے توں واپسی آرہیا سی کہ وزیر اعلا دے پروٹوکول وچ شامل گڈی نے ٹکر مار دتی۔ گڈی دا نمبر ایل زیڈ ای (LZE) 6254ا ے جدکہ ڈرائیور دی شناخت رؤف سبحانی دے ناں توں ہوئی اے۔
