کراچی(پاکستان پوائنٹ نیوز05۔نومبر۔2018ء) پاکستان وچ ڈانس پارٹیاں تے اِنج دیاں کئی ہور پارٹیا ں دا آہر کیتا جاندا اے جیہدے لئی کئی قسم دے اشتہار وی دتے جاندے نیں جو لوکاں دی توجہ دا مرکز بن جاندے نیں۔ کُجھ دناں توں پاکستان وچ ویاہے جوڑیاں ، گرل فرینڈ تے بوائے فرینڈ ولوں ’Couple swapping‘دے ناں توں اک نواں ٹرینڈ زور پھڑ رہیا سی جیہدے تحت منعقد کیتی جان والی پارٹی وچ کئی جوڑے رلتی ہوندے تے اپنے اپنے ساتھی تھوڑے چِر لئی بدل لیندے ، ایس مندے کم وچ لوکاں دی دلچسپی ویکھ کے کراچی دے اک واسی نے ایس ٹرینڈ توں فائدہ چُکن تے کُجھ پیسے کمان دا منصوبہ بنایا ،جیہدے لئی سوشل میڈیا ویب سائٹ فیس بک اُتے ایونٹ بنایا گیا، منصوبہ بندی کرن والے بندے نے ایس ایونٹ نوں (Dirty Night, Couple swapping)دا ناں دتا۔ ایس پارٹی دا ٹکٹ لین لئی کئی دن پہلاں بکنگ کروانی سی جیہدے لئی ہر جوڑے نوں 25000رُپئے دینے سن۔ ایس منصوبہ بندی پچھے موجود بندیاں دی شناخت مبینہ طور اُتے ارسلان قمر دے ناں توں ہوئی اے۔ تے ویکھن نوں شہر دی انتظامیہ نے شہریاں نوں محفوظ رکھن لئی اقدامات کرن دا فیصلا کیتااے۔
سوشل میڈیا اُتے ملن والیاں اطلاعواں مطابق منصوبہ بندی کرن والے بندے نوں گرفتار کر لیا گیا اے۔
