اسلام آباد(پاکستان پوائنٹ نیوز05۔نومبر۔2018ء) قومی اخبار دی اک رپورٹ وچ دسیا گیا اے کہ تحقیقاتی اداریاں نے جمعیت علماء اسلام (س) دے سربراہ شہید مولانا سمیع الحق دے فون وچوں تن مشکوک نمبر ٹریس کر لئے نیں، جیہدے مگروں تحقیقات دا گھیرا ہور ودھا دتا گیا اے۔ رپورٹس وچ ہور دسیا گیا اے کہ مولانا سمیع الحق اُتے چاقو نال وار کرن و الا حملا آور تربیت یافتہ سی تے حملے وچ ورتیا جان والاچاقو وی عام نہیں سی ۔
پوسٹ مارٹم نہ ہون دی وجہ توں کیس نوں ہور پیچیدہ بنا دتا گیا اے۔یاد رہوے کہ 2نومبر نوں مذہبی سکالر و جمعیت علماء اسلام(س) دے سربراہ مولانا سمیع الحق نوں راولپنڈی وچ شہید کیتا گیا سی۔ شرپسند عناصر نے سربراہ جے یو آئی (س) مولانا سمیع الحق اُتے چاقو نال حملا کیتاسی ۔مولانا دے ہلاک ہون دی تصدیق جے یو آئی (س) پشاور دے صدر مولانا حصیم نے کیتی سی۔ اوہناں دے پُترمولانا حامد الحق دا آکھنا سی کہ راہ بند سن تے مولانا اسلام آباد دے وکھالے (مظاہرے)وچ نہ اپڑ سکے۔ اوہ عصر ویلے اپنے کمرے وچ آرام کر رہے سن۔ اوہناں دے ڈرائیور مولانا سید احمد شاہ حقانی باہر گئے سن، پر جدوں اوہ واپس آئے تے مولانا صاحب خون نال بھرے پئے سن۔
