اسلام آباد(پاکستان پوائنٹ نیوز03۔نومبر۔2018ء) نجی ٹی وی چینل دے پروگرام وچ گل بات کرد ے ہوئے سیاسی رہنما جان اچکزئی نے آکھیااے کہ مولانا سمیع الحق دی شہادت بارے اک نویں اطلاع دینا چاہنا واں۔ سوشل میڈیا اُتے کئی خبراں چل رہیاں نیں کہ مولانا سمیع الحق نوں مار کے افغان کمانڈر رازق دا بدلا لیا گیا اے۔ اوہناں نے آکھیا کہ انج دے دعوے کرن والے ٹویٹر اکاؤنٹس اوہ اکاؤنٹس نیں جیہناں دا تعلق افغان انٹیلی جنس این ڈی ایس توں اے۔
ایس دعوے مگروں ایہ گل کُجھ ظاہر ہو رہی اے کہ شاید واقعے ای مولانا سمیع الحق دی شہادت پچھے این ڈی ایس دا ای ہتھ اے۔ یاد رہوے کہ جس کمانڈر رازق دا جان اچکزئی نے ذکر کیتا اوہ اوہی کمانڈر رازق اے جو قندھار پولیس دا سربراہ سی۔ جنرل رازق 18اکتوبر نوں جمعرات والے دن ہون والے حملے وچ ہلاک ہو گیا سی۔ایس حملے وچ اوہدے توں وکھ افغان خفیہ ادارے این ڈی ایس دا صوبائی سربراہ وی ماریا گیا سی جدکہ امریکی فوج دا کمانڈر وال وال(بال بال) بچ گیا سی۔ رازق پاکستان خلاف موقف رکھن دی وجہ توں بہت مشہور سی۔ اوہدیاں تن بیویاں تے 13بال سن۔
