مولانا سمیع الحق دی نمازہ جنازہ: مولانا فضل الرحمان رلتی نہیں ہون گے

مولانا سمیع الحق دی نمازہ جنازہ: مولانا فضل الرحمان رلتی نہیں ہون گے

اکوڑہ خٹک(پاکستان پوائنٹ نیوز03۔نومبر۔2018ء) مولانا سمیع الحق دی نمازہ جنازہ وچ مولانا فضل الرحمان رلتی نہیں ہون گے۔مولانا فضل الرحمان نوں وی حملے دے خطرے بارے اک سرکاری خط پہلی نومبر نوں ملیا سی تے اوہ سکیورٹی خطریاں دی وجہ توں جنازے وچ رلتی نہیں ہون گے۔تفصیل مطابق پچھلے دیہاڑے جمعیت علماء اسلام (س) دے سربراہ مولانا سمیع الحق قاتلانہ حملے وچ ہلاک ہو گئے۔

شرپسند عناصر نے سربراہ جے یو آئی (س) مولانا سمیع الحق اُتے چاقو نال حملا کیتا ۔حملے دے نتیجے وچ اوہ ڈاڈھے زخمی ہو گئے ، جتھوں اوہناں نوں ہسپتال منتقل کیتا گیا پر ڈاڈھے زخماں پاروں اوہ ہلاک ہوگئے۔ مولانا دے ہلاک ہون دی تصدیق جے یو آئی (س) پشاور دے صدر مولانا حصیم نے کیتی۔ ایس حوالے نال اوہناں دے پُترمولانا حامد الحق دا آکھنا سی کہ راہ بند سن تے مولانا اسلام آباد دے وکھالے (مظاہرے)وچ نہ اپڑ سکے۔

اوہ عصر ویلے اپنے کمرے وچ آرام کر رہے سن۔ اوہناں دے ڈرائیور مولانا سید احمد شاہ حقانی باہر گئے سن پر جدوں اوہ واپس آئے تے مولانا صاحب خون نال بھرے پئے سن۔مولانا دی نمازہ جنازہ اج دوپہر 3وجے پڑھی جائے گی۔ مولانا سمیع الحق دی نمازہ جنازہ وچ جمعیت علماء اسلام (ف) دے سربراہ مولانا فضل الرحمان رلتی نہیں ہون گے۔ وسیلیاں دا آکھنا اے کہ مولانا فضل الرحمان نوں وی حملے دے خطرے بارے اک سرکاری خط پہلی نومبر نوں ملیا سی تے اوہ سکیورٹی خطریاں دی وجہ توں جنازے وچ رلتی نہیں ہون گے۔