مولانا سمیع الحق قاتلانہ حملے وچ ہلاک

مذہبی سکالر نوں راولپنڈی وچ ہلاک کیتا گیا:وسیلے

مولانا سمیع الحق قاتلانہ حملے وچ ہلاک
مذہبی سکالر نوں راولپنڈی وچ ہلاک کیتا گیا:وسیلے

راولپنڈی(پاکستان پوائنٹ نیوز02۔نومبر۔2018ء) جمعیت علماء اسلام (س) دے سربراہ مولانا سمیع الحق قاتلانہ حملے وچ ہلاک ہو گئے۔ میڈیا رپورٹس مطابق مذہبی سکالر و جمعیت علماء اسلام(س) دے سربراہ مولانا سمیع الحق دے قاتلانہ حملے وچ ہلاک ہون دی اطلاع ملی اے۔ نجی ٹی وی دا آکھنا اے کہ شرپسند عناصر نے سربراہ جے یو آئی (س) مولانا سمیع الحق اُتے چاقو نال حملا کیتا ۔

حملے دے نتیجے وچ اوہ ڈاڈھے زخمی ہو گئے ، جتھوں اوہناں نوں ہسپتال منتقل کیتا گیا پر ڈاڈھے زخماں پاروں اوہ ہلاک ہوگئے۔ مولانا دے ہلاک ہون دی تصدیق جے یو آئی (س) پشاور دے صدر مولانا حصیم نے کیتی۔ دوجے پاسے اوہناں دے پُترمولانا حامد الحق دا آکھنا اے کہ راہ بند سن تے مولانا اسلام آباد دے وکھالے (مظاہرے)وچ نہ اپڑ سکے۔ اوہ عصر ویلے اپنے کمرے وچ آرام کر رہے سن۔ اوہناں دے ڈرائیور مولانا سید احمد شاہ حقانی باہر گئے سن، پر جدوں اوہ واپس آئے تے مولانا صاحب خون نال بھرے پئے سن۔