اسلام آباد(پاکستان پوائنٹ نیوز02۔نومبر۔2018ء) وفاقی حکومت نے عامر ذوالفقار خان نوں آئی جی اسلام آباد تعینات کر دتا اے، جیہدا باقاعدہ نوٹی فکیشن وی جاری کر دتا گیا۔ میڈیا رپورٹس مطابق حکومتی وزیر اعظم سواتی کیس وچ آئی جی اسلام آباد جان محمد نے کم کرن توں انکار کردتا سی، جیہدے اُتے حکومت نے سینئر پولیس افسر عامر ذوالفقار خان نوں جان محمد دی تھاں آئی جی اسلام آباد پولیس تعینات کر دتا اے۔
عامر ذوالفقار آئی جی موٹروے وی رہ چکے نیں۔ یاد رہوے کہ وفاقی وزیر اعظم سواتی دے پُتر عثمان سواتی دے معاملے اُتے وزیر اعظم عمران خان نے آئی جی اسلام آباد دا تبادلا کر دتا سی۔ جیہدے اُتے سپریم کورٹ نے آپ نوٹس لیا تے چیف جسٹس نے سابق آئی جی جان محمد دے تبادلے دا حکم معطل کیتا تے اوہناں نوں کم کرن دی ہدایت کیتی پر اج جان محمد نے عدالت توں معذرت کردے ہوئے ہور کم کرن توں انکار کر دتا ۔ جیہدے اُتے عدالت نے حکومت نوں نویں آئی جی دی تعیناتی دی اجازت دے دتی سی۔
