حکومتی ٹیم تے دھرنا قائدین وچکار مذاکرات جاری

دھرنا قائدین نے حکومتی ٹیم اگے اہم مطالبے رکھ دتے

حکومتی ٹیم تے دھرنا قائدین وچکار مذاکرات جاری
دھرنا قائدین نے حکومتی ٹیم اگے اہم مطالبے رکھ دتے

لاہور(پاکستان پوائنٹ نیوز02۔نومبر۔2018ء) ملک بھر وچ آسیہ بی بی دی رہائی دے فیصلے خلاف احتجاج تیجے دن وی جاری اے۔ اجے تیکر حکومت تے دھرنا قائدین وچکار مذاکرات ناکام رہے نیں۔ پر حکومتی ٹیم تے دھرنا قائدین وچکار مذاکرات جاری نیں۔ دھرنا قائدین نے حکومتی ٹیم لئی اہم مطالبے رکھے نیں۔ میڈیا رپورٹس مطابق حکومتی ٹیم دا وفد وفاقی وزیر مذہبی امور نورالحق قادری دی قیادت وچ موجود اے۔

وزیر اوقاف سعید الحسن شاہ، وزیر قانون بشارت راجا وی حکومتی ٹیم وچ شامل نیں۔ حکومتی ٹیم تے دھرنا قائدین وچکار مذاکرات جاری نیں۔ دھرنا قائدین نے حکومتی ٹیم توں منگ کیتی کہ آسیہ بی بی دا ناں ای سی ایل وچ پایا جائے۔سپریم کورٹ دا فل بنچ نظرثانی پٹیشن دی سنوائی کرے۔ تحریک لبیک خلاف بنائے گئے سارے مقدمے ختم کیتے جان۔ملک بھر وچ گرفتار کارکناں نوں رہا کیتا جائے۔ دوجے پاسے وفاقی وزیر اطلاعات فواد چودھری دا آکھنا اے کہ ملک وچ امن وا مان دی صورتحال کنٹرول وچ اے۔ ریاست دے صبر نوں اوہدی کمزوری نال سمجھیا جائے۔ وکھالویاں خلاف آپریشن دیاں خبراں غلط نیں۔ حکومت تشدد دی راہ نہیں اپنانا چاہندی۔