اسلام آباد(پاکستان پوائنٹ نیوز01۔نومبر۔2018ء) پاکستان سٹیل ملز دے ملازماں نوں اک مہینے دی تنخاہ جاری کرن دی منظوری دے دتی گئی۔ تنخاہ جاری ہون دی منظوری ملن مگروں پاکستان سٹیل ملز دے ملازماں وچکار خشی دی لہر دوڑ گئی۔ تفصیل مطابق سٹیل ملز ملازماں نوں اک مہینے دی تنخاہ جاری کرن دی منظوری نجکاری کمیشن نے دے دتی۔ سٹیل ملز ملازماں نوں تنخاہواں دین لئی اک رب رُپئے جاری کیتے جان گے۔
نجکاری کمیشن دے حکام مطابق سٹیل ملز دے ملازماں نوں پے سلپ چھیتی جاری کیتی جائے گی۔ یاد رہوے کہ ایس توں پہلاں پاکستان سٹیل ملز دے ملازماں نوں پچھلے مہینے توں تنخاہواں نہیں دتیاں گئیاں جیہدی وجہ توں معاشی بدحالی دا شکار ملازم بے حال ہو گئے۔ حکومت دیاں غلط پالیسیاں تے عدم توجہ دا شکار پاکستان سٹیل ملز دے ملازماں نے اعلا حکام نوں مسئلا حل کروان دی اپیل کیتی سی۔ نجکاری کمیشن نے پاکستان سٹیل ملز دے ملازماں نوں شخبری سُنائی کہ چھیتی اوہناں دے مسئلے حل کیتے جان گے تے ایس سلسلے وچ جو ممکن ہو سکیا کیتا جائے گا۔
