اسلام آباد(پاکستان پوائنٹ نیوز01۔نومبر۔2018ء) حکومت دا آسیہ بی بی کیس خلاف نظرثانی اپیل دائر نہ کرن دا اعلان،وزیر اطلاعات فواد چودھری دا آکھنا اے کہ نظرثانی آئینی راہ اے، جو متاثرہ فریق دا حق اے، حکومت ایہدا حصہ نہیں بنے گی۔ تفصیل مطابق وزیر اطلاعات فواد چودھری ولوں اعلان کیتا گیا اے کہ حکومت آسیہ بی بی کیس خلاف نظرثانی اپیل دائر نہیں کر یگی۔
فواد چودھری دا آکھنا سی کہ نظرثانی آئینی راہ اے جو متاثرہ فریق دا حق اے۔ حکومت ایہدا حصہ نہیں بنے گی۔فوادچودھری دا آکھنا سی کہ معاملا کسے اک جماعت دا نہیں پورے ملک دا اے۔ احتجاجی وکھالویاں (مظاہرین)نوں روکن لئی اگلے لائحہ عمل اُتے وی اپوزیشن نوں اعتماد وچ لواں ے۔ توڑ بھن، ہنگامہ آرائی تے دھمکیاں قبول نہیں۔ وزیر اعظم دے اعلان مطابق انج دے لوکاں نال سختی نال نبڑیا جائے گا۔ پاکستان ایٹمی طاقت اے۔ اداریاں دی طاقت، صلاحیت اُتے غلط فہمی دور کر لوو نہیں تے پچھتاؤ گے۔ اوہناں دا آکھنا سی کہ قانونی راہ دی بجائے احتجاج تے تشدد قبول نہیں اے۔کسے نوں قانون ہتھ وچ لین دی اجازت نہیں دتی جائے گی۔ وزیر اعظم دے آکھے مطابق حکومتی رٹ یقینی بنائی جائے گی۔
