لاہور(پاکستان پوائنٹ نیوز01۔نومبر۔2018ء) ملک بھروچ ٹریفک دی غیر معمولی صورتحال دی وجہ توں پی آئی اے نے مسافراں نوں چھیتی ائر پورٹ اپڑان دی ہدایت کیتی سی۔ ترجمان پی آئی اے مطابق مسافراں نوں ہدایت کیتی گئی سی کہ باہرلے ملک سفر کرن والے اپنی اُڈان دی روانگی توں پنج گھنٹے پہلاں ائر پورٹ اپڑن۔ تے اندرون ملک سفر کرن والے مسافر اُڈان دی روانگی توں چار گھنٹے پہلاں ائر پورٹ اپڑن۔
آکھیا گیا اے کہ مسافر ائر پورٹ آن توں پہلے اپنی اُڈان بارے پی آئی اے کال سینٹر دے نمبر 788-786-111 توں ضروری معلومات حاصل کرن۔ پر ہن پی آئی اے نے اپنے ٹویٹر پیغام راہیں اک اہم اعلان کیتا اے ۔ جیہدے وچ آکھیا گیا اے کہ اسیں مسافراں نوں ائر پورٹ تیکر اپڑن لئی پیش آن والیاں اوکڑاں نوں سمجھدے آں۔ جیہڑے مسافر اں دیاں اُڈاناں مس ہو گئیاں نیں اوہناں کولوں کوئی وادھو پیسے نہیں لِتے جان گے۔ پی آئی نے مسافراں نوں بکنگ وچ تبدلی اُتے آن والے وادھو خرچے معاف کر دتے۔
