آسیہ بی بی کیس دے فیصلے مگروں عدالتاں تے عسکری قیادت خلاف ورتی جان والی زبان قابل مذمت اے:عمران خان

پاکستان دا آئین تے قانون قرآن دے تابع اے، ججاں نے ایس قانون تے آئین دے تحت ای فیصلا دتا:قوم نال خطاب

آسیہ بی بی کیس دے فیصلے مگروں عدالتاں تے عسکری قیادت خلاف ورتی جان والی زبان قابل مذمت اے:عمران خان
پاکستان دا آئین تے قانون قرآن دے تابع اے، ججاں نے ایس قانون تے آئین دے تحت ای فیصلا دتا:قوم نال خطاب

 اسلام آباد(پاکستان پوائنٹ نیوز31۔اکتوبر۔2018ء) آسیہ بی بی کیس دے فیصلے مگروں عدالتاں تے عسکری قیادت خلاف ورتی جان والی زبان قابل مذمت اے،پاکستان مدینہ دی ریاست مگروں دوجا ملک اے جو اسلام دے ناں اُتے بنیا، پاکستان دا آئین تے قانون قرآن دے تابع اے، ججاں نے ایس قانون تے آئین دے تحت ای فیصلا دتا۔تفصیل مطابق عمران خان ولوں اج قوم نال خطاب کیتا گیا اے۔

اپنے خطاب وچ وزیر اعظم عمران خان نے آسیہ بی بی کیس دے فیصلے مگروں اعلا عدلیہ تے عسکری قیادت خلاف ورتی جان والی زبان دی مذمت کیتی اے۔ وزیر اعظم عمران خان دا آکھنا سی کہ انج ملک یاں حکومت نہیں چل سکدی۔وزیراعظم دا آکھنا سی کہ پاکستان مدینہ دی ریاست مگروں دوجا ملک اے جو اسلام دے ناں اُتے بنیا۔ پاکستان دا آئین تے قانون قرآن دے تابع اے۔

ججاں نے ایس قانون تے آئین دے تحت ای فیصلا دتا۔قوم نال خطاب دوران اوہناں نے آکھیا کہ آرمی چیف نوں قتل کرن دیاں دھمکیاں دینا اسلام نہیں اے۔ وزیر اعظم نے لوکائی توں اپیل کیتی کہ انج دے لوکاں دیاں گلاں وچ نہ آؤ۔ اوہناں نے آکھیا کہ جو تہانوں اُکسا رہے نیں اوہناں دیاں گلاں وچ نہیں آنا، ایہ اسلام دی خدمت نہیں کر رہے ۔ ایہ سیاست کر رہے نیں۔میں ایہناں لوکاں اگے اپیل کرنا واں کہ اپنے ووٹ بنک لئی سیاست نہ چمکاؤ۔اوہناں نے خبردار کیتا کہ جے ایہ عناصر باز نہ آئے ریاست وی اپنا پورا کم کرے گی۔ اسیں کوئی ٹریفک نہیں رُکن دیواں گے، کوئی توڑ بھن نہیں ہون دیواں گے۔عمران خان دا آکھنا سی کہ ایس معاملے اُتے حکومت دا کیہ قصور اے۔