اسلام آباد(پاکستان پوائنٹ نیوز31۔اکتوبر۔2018ء) سپریم کورٹ آف پاکستان ولوں اج توہین رسالت دے مقدمے وچ قید آسیہ بی بی نوں رہا کرن دا حکم دے دتا گیا اے، جیہدے مگروں سوشل میڈیا اُتے ایس فیصلے بارے اطمینان دا اظہار کیتا جا رہیا اے۔ سوشل میڈیا ورتیندڑاں(صارفین) نے آسیہ بی بی بارے سپریم کورٹ دے فیصلے مگروں سلمان تاثیر دی یاد تازہ کر دتی۔ کئی ٹویٹر ورتیندڑاں نے سلمان تاثیر دیاں تصویراں شیئر کیتیاں تے نال ای سپریم کورٹ دے ایس فیصلے اُتے اطمینان دا اظہار وی کیتا۔اک پرچا کار نے آکھیا کہ برائے مہربانی اج اپنیاں دعاواں وچ سلمان تاثیر نوں وی یاد رکھنا جیہناں نے ایس کیس دے دفاع وچ اپنی جان دے دتی۔
اک سوانی نے آکھیا کہ اک ویلا سی جدوں اسیں سارے 2010وچ رہ رہے ساں پر اوس ویلے سلمان تاثیر 2018دا نظریہ رکھدے سن۔
سماجی کارکن جبران ناصر نے آکھیاکہ آسیہ بی بی دے کیس دے ایس فیصلے نے اک گل واضح کر دتی کہ سانوں مذہب دے ناں اُتے معصوم لوکاں اُتے تشدد نہیں کرنا چاہیدا۔ سلمان تاثیر نے وی ایہو سمجھان دی کوشش کیتی پر اوہناں نوں قتل کر دتا گیا۔
