لاہور(پاکستان پوائنٹ نیوز31۔اکتوبر۔2018ء) مشہور پرچاکار غلام حسین دا آکھنا اے کہ اسحاق ڈار ہن ہور ویاہواں دے چکر وچ نیں۔ اسحاق ڈار نے ماروی میمن نال ظلم کیتا اوہناں دے اتھرو نہیں رُکدے، اوہناں دے والد وی آکھد ے نیں کہ دھی تُسیں ایہ کیہ کیتا اے۔تفصیل مطابق مشہور پرچا کار غلام حسین دا آکھنا اے کہ اسحاق ڈار لندن وچ ٹوپی پا کے نمازی بندے نیں۔
پر رب دی قسم اوہ ماروی میمن وچاری آکھدی اے کہ نکاح ویلے اسحاق ڈار نال بیٹھے سن تے اوہناں نال نکاح دے گواہ بیٹھے سن تے ساہمنے نکاح پڑھان والا نکاح خواں بیٹھا سی۔ پر اسحاق ڈار آکھدے نیں کہ نکاح کیتے ہور ہو رہیا سی میں کیتے ہور بیٹھا سی۔ چودھری غلام حسین نے ہور آکھیا کہ اسحاق ڈار نے ماروی میمن نال بہت ظلم کیتا تے ہن ماروی میمن دے اتھرو نہیں رُکدے۔
اوہناں دے والد آکھدے نیں کہ ایہ تُسیں کیہ کر دتا۔ چودھری غلام حسین نے آکھیا کہ اسحاق ڈار ہن ہور ویاہواں دے چکر وچ نیں۔ اسحاق ڈار اپنی پہلی بیوی دا فون وی نہیں سُندے۔یاد رہوے کہ نجی ٹی وی چینل دے پروگرام وچ گل بات کردے ہوئے مشہور سیاسی تجزیہ کار رانا مبشر نے آکھیا سی کہ 30جولائی 2016نوں ا سحاق ڈار نے اسلام آباد وچ ساڈھے اٹھ وجے منسٹرز انکلیو دے 15نمبر گھر وچ ماروی میمن نال نکاح پڑھوایا۔
