لاہور(پاکستان پوائنٹ نیوز31۔اکتوبر۔2018ء) حکومت دی سستی روٹی دے حوالے نال سابق حکومت اُتے تنقید ہوائی ثابت ہوئی، وزیر اعلا عثمان بزدار نے وی سستی روٹی سکیم لئی فنڈز رکھ دتے۔ حکومت نے ملازماں دے خرچیاں لئی 70لکھ 96ہزار رُپئے رکھ دتے۔ عثمان بزدار نے سستی روٹی سکیم وچ صرف الاؤنسز دی مد وچ 31لکھ 80ہزار رکھ دتے۔ یاد رہوے کہ سستی روٹی سکیم دی شروعات پچھلی حکومت ولوں 2008وچ روزیاں دے مہینے وچ کیتی گئی سی تے ایہدا چیئرمین حنیف عباسی نوں بنایا گیا سی۔
سستی روٹی سکیم بند کرن بارے محکمہ انڈسٹریز نے وزیر اعلا پنجاب نوں سمری گھلی سی۔ پر سیکرٹری خزانہ پنجاب نے سمری اُتے اعتراض لا دتا۔ تحریک انصاف وی ایس حوالے نال پچھلی حکومت نوں تنقید دا نشانہ بناندی آئی اے۔ پر ہن اوہنے آپ ایس سکیم نوں شروع کرن دا اعلان کر دتا اے۔
