اسلام آباد(پاکستان پوائنٹ نیوز30۔اکتوبر۔2018ء) نیب نے زیر تفتیش مقدمیاں وچ ملوث سیاستداناں دی لسٹ جاری کر دتی اے، ملک بھر وچ مجموعی طور اُتے 71سیاستداناں خلاف تحقیقات جاری نیں، پنجاب وچ 20،سندھ وچ 19،خیبرپختونخوا تے سندھ دیاں ہور 9اہم شخصیتاں خلاف کرپشن دیاں تحقیقات جاری نیں۔ میڈیا رپورٹس مطابق قومی احتساب بیورو(نیب) نے زیر تفتیش مقدمیاں وچ ملوث سیاستداناں دی لسٹ جاری کر دتی اے۔
لسٹ وچ 71اہم سیاسی بندے تے بیوروکریٹس شامل نیں، جیہناں خلاف نیب وچ زیر تفتیش مقدمیاں دیاں تحقیقات جاری نیں۔ ایہناں شخصیتاں وچ نواز شریف، شوکت عزیز، چودھری شجاعت، یوسف رضا گیلانی، راجا پرویز اشرف، چودھری پرویز الہی، بابر اعوان، عادل صدیقی، اعجاز جاکھرانی، ثنااللہ زہری، اسلم رئیسانی، طارق فضل چودھری، انجم عقیل، اسحاق ڈار، خواجا آصف، خواجا سعد رفیق، کیپٹن (ر) صفدر، مراد علی شاہ، بابر غوری، ڈاکٹر عاصم حسین، آغا سراج درانی، سہیل انور سیال، رؤف صدیقی، سینیٹر عثمان سیف اللہ، اعظم خان، طارق حیات، منظور وسان، ریاض پیرزادہ، شوکت ترین، رانا مشہود، سلمان رفیق، علیم خان، فواد حسن فواد، احد چیمہ، غلام حیدر جمالی سنے ہور بندے شامل نیں۔
