حکومت دی پہلی نومبر توں لوکائی اُتے پٹرول بم ڈیگن دی تیاری

اسلام آباد(پاکستان پوائنٹ نیوز30۔اکتوبر۔2018ء) حکومت نے پٹرولیم وستاں دیاں قیمتاں وچ وادھا کر دے ہوئے لوکائی اُتے پٹرول بم ڈیگن دی تیار کر لی، اوگرا نے پٹرولیم وستاں(مصنوعات) دیاں قیمتاں وچ 13رُپئے وادھے دی سفارش کر دتی۔میڈیا رپورٹس مطابق اوگرا نے وزارت پٹرولیم نوں تیل دیاں قیمتاں وچ وادھے دی سمری گھل دتی اے۔ اوگرا ولوں پٹرولیم وستاں دیاں قیمتاں وچ 13رُپئے تیکر وادھے دی سفارش کیتی گئی اے۔

اوگرا دی سمری وچ پہلی نومبر توں پٹرول دی قیمت وچ 9رُپئے فی لیٹر وادھے دی سفارش کیتی گئی۔ اوگرا دی سمری وچ حکومت نوں مٹی دے تیل دی قیمت وچ 6رُپئے 47پیسے ، ڈیزل دی قیمت وچ 13رُپئے، لائٹ ڈیزل دی قیمت وچ 6رُپئے 48پیسے فی لیٹر وادھے دی سفارش کیتی گئی اے۔ اوگرا نے پٹرولیم وستاں دیاں قیمتاں وچ وادھے دی سمری منظوری لئی پٹرولیم ڈویژن نوں گھل دتی اے۔